A Torre de Hércules deberá contar cun plan de xestión para o 2011

Despois das celebracións chega o momento do traballo. Icomos, o organismo asesor da UNESCO en materia de patrimonio, fixo unha serie de recomendacións para a mellora do monumento. En primeiro lugar, a Torre de Hércules deberá contar cun plan de xestión que inclúe desde un proxecto de musealización, un centro de interpretación (que se pretende que sexa a antiga cadea que está xuto enfronte do monumento), crear unha entidade que coordine a atención turística, e amañar o filtrado de auga na fachada. Todas estas medidas han de estar solventadas antes do 2011, data na que os técnicos de Icomos farán unha visita ao monumento para comprobar o seu estado.