Quedan 12 días para que a Unesco decida se a Torre de Hércules pasa finalmente a facer parte do listado de monumentos declarados Patrimonio da Humanidade. Para apoiar a candidatura neste tramo final, a Consellaría de Cultura acaba de por en marcha unha campaña de recollida de sinaturas que se desenvolverá por varias cidades ata o día 20 de xuño. Esta é unha das últimas iniciativas dunha campaña que, segundo declarou o alcalde da Coruña, Javier Losada, a Xornal de Galicia supuxo un investimento de máis de oito millóns en dous anos.
