Colectivos educativos publican un manifesto contra a enquisa do galego

Unha ducia de entidades vencelladas ao mundo do ensino publicaron hoxe un manifesto cuestionando a lexitimidade da enquisa sobre o emprego do galego nas aulas promovida pola Xunta. O texto nace apoiado polos sindicatos maioritarios, movementos de renovación pedagóxica, coordinadoras de equipos de normalización e directores de centros e mais a Mesa pola Normalización. No mesmo apúntanse cuestións coma que non se pode conseguir a igualdade de competencias en galego e castelán no menos dun 50% de materias na nosa lingua e critícase a metodoloxía da enquisa, que non dá a opción de que todo o ensino se faga en galego.