As feiras do libro contarán cun apoio da Consellaría de Cultura de 245.000 euros este ano. Así o anunciou o director xeral de Promoción e Difusión da Cultura, Francisco López Rodríguez, o pasado venres. Ao tempo, adiantou a vindeira creación dun Rexistro Administrativo de Librarías á que se terán que incorporar todos os establecementos deste tipo que existan no país e queiran recibir subsidios e axudas públicas. Con esta medida quérese actualizar o rexistro activo, que data de 1986. López Rodríguez tamén apuntou que se manterá o sistema de axudas ás editoras mediante a adquisición de exemplares para a Rede de Bibliotecas de Galicia.
