O conselleiro de Educación deu a coñecer esta mañá a polémica enquisa para coñecer as preferencias dos pais sobre a lingua do ensino dos seus fillos.O texto recolle catro preguntas básicas que, con pequenas modificacións, deberán contestar os titores dos alumnos matriculados en FP, Secundaria, Primaria e Infantil. As cuestións refÃrense ás preferencias en canto a lingua para as materias troncais, os libros de texto e outros materiais, os exames e a posibilidade de que se impartan materias en inglés. En total distribuiranse, a partir do vindeiro venres, 330.000 exemplares do cuestionario, que levarán os propios alumnos ás súas casas.
