As coproducións do Centro Dramático e do Centro Coreográfico Galego protagonizan a capa do novo e-scena. O boletín da Axencia Galega de Industrias Culturais (AGADIC) ten xa dispoñible na rede o seu número 36 e achega novas coma os 7.000 espectadores que conseguiu o espectáculo de danza Xiseliña. A oitava edición do Festival de Contrabaixo Ludwig Streicher, que se celebrará en xullo en Compostela ou o comezo das residencias artísticas do Centro Dramático son outras novidades que adianta a publicación.
