Aínda que cun certo atraso sobre as previsións iniciais, Urco Editora acaba de pór na rúa o segundo volume de Gallaecia. Esta BD de Iván Rodríguez Arós e Miguel Ángel Vigo Baleirón está ambientada na Galicia romana e mestura debuxo con fondos infográficos. O volume, de 28 páxinas e a toda cor está á venda por 9,98 euros. Como novidade, a obra pódese adquirir a través de Internet no web gzfriki.com. A editorial estará presente no Saló del Còmic de Barcelona coa primeira entrega desta serie e mais coa obra Purgatorio.
