Ponte... nas ondas! cumpre 15 anos

Os Tesouros Vivos, persoas que conservar o patrimonio inmaterial galego-portugués protagonizan o 15 aniversario de Ponte... nas ondas!. O vindeiro cinco de xuño, 60 centro de ensino de tres continentes participan nunha nova xornada de comunicación na que se emitirá por Internet unha programación de 24 horas de televisión. O mesmo día, a coincidir coa VIII Mostra da Oralidade Galego-Portuguesa, poderá seguirse a Revista Oral dos Tesouros Vivos, que contará con contacontos, cantareiras, músicos e outras persoas que conservan saberes tradicionais.

Os actos deste aniversario prolongaranse ata novembro, cando se celebrará un congreso centrado na converxencia entre educación, comunicación, novas tecnoloxías e patrimonio cultural. Dentro do proxecto, este ano verá a luz o libro-disco Cores do Atlántico que recolle a presenza das cantigas de amigo nas dúas bandas do Océano Atlántico.

Como xa anunciara, o proxecto Ponte... nas ondas! pretende desenvolver neste 2009 o Sistema dos Tesouros Vivos na Eurorrexión Galiza-Norte de Portugal. O proxecto quere protexer o patrimonio inmaterial favorecendo o traballo dos seus portadores, para o cal xa se solicitou o apoio a diferentes administracións.