A Casa da Lectura é un pequeno espazo dedicado á dinamización lectora situado no contorno rural de Gondomar. Situado nunha antiga escola infantil abre as súas portas este sábado coa vocación de artellar actividades semanais de apoio á difusión do libro e de servir de punto de encontro a todos os grupos interesados neste campo. Ao tempo, presentarase o libro Os ollos do Contomar que recolle fotografías de diferentes actividades que organizaron no concello arredor da lectura canda a textos de reflexión sobre este ámbito. A presentación das dúas iniciativas desenvolverase ás 12 da mañá.
