Son dous dos nomes fundamentais da nosa cultura. Ramón Piñeiro, homenaxeado este ano no Día das Letras, desenvolveu ao longo da súa carreira unha serie de conferencias e discursos encol de Ramón Otero Pedrayo. Agora, o Consello da Cultura Galega publica nun volume as intervencións de Piñeiro encol do mestre de Trasalba nunha edición limitada que inclúe un CD no que se pode escoitar o propio autor falando sobre Pedrayo. Unha iniciativa máis que se suma ás homenaxes ao que foi primeiro presidente do Consello da Cultura.
