As compañías triplicaron en dous anos as funcións no estranxeiro

Se en 2006 as compañías de teatro profesional galegas realizaron 104 funcións no estranxeiro, no 2008 esas cifras medraron ata as 284. Tamén é certo que se incrementaron o número de compañías que levaron os seus espectáculos fóra de Galicia (pasaron de 20 a 30). Son algúns dos datos que aparecen no informe Políticas de fomento das artes escénicas e musicais que edita a Agadic. Por áreas xeográficas, Madrid é a comunidade na que máis funcións se realizaron (83), seguida de Castela (con 50 actuacións). Segundo o informe, este incremento se debe á liña de axudas a distribución que convoca Agadic que financiaba gastos de transporte, desprazamento e aloxamento.