O Conselleiro de Cultura adianta algunhas das súas propostas

Os primeiros actos públicos de Roberto Varela coma Conselleiro de Cultura están a servir para adiantar algunhas liñas do seu mandato. Deste xeito, durante a súa vistia ao MARCO de Vigo o pasado sábado para inaugurar a mostra de Santiago Sierra, Varela adiantou que o seu departamento ten "a intención de participar activamente" no museo, polo que renovará o convenio que mantén con este organismo. Ao tempo, explicou que a arte contemporánea "é unha faceta creativa que nos interesa especialmente". No mesmo acto adiantou que "queremos elaborar un programa en torno ao Xacobeo que faga partícipe a toda a sociedade". Tamén sábado, durante a presentación da Feira do Libro de Santiago, Varela comprometuse a que Galicia chegue en 2010 ao nivel medio de lectura da Unión Europea. Precisamente ese ano está previsto que o noso país celebre o Ano da Lectura.