Os afeccionados aos paxaros do noso país contan cunha nova ferramenta. A Sociedade Galega de Ornitoloxía acaba de pór na rede o Noticiario Ornitoxeográfico. Esta aplicación permitirá xeolocalizar os avistamentos das diferentes especies de paxaros e realizar buscas por localización ou tipo de ave. Os datos recollidos permitirán coñecer polo miúdo as especies que visitan o noso país e mais a súa importancia. O proxecto desenvolveuse mediante a colaboración entre os ornitólogos e mais a empresa Sixtema.
