O debuxante François Schuiten visitará Compostela en novembro

É un dos debuxantes de banda deseñada máis recoñecidos de toda Europa, con series coma As cidades escuras. O belga François Schuiten visitará o vindeiro mes de novembro Compostela para participar no ciclo Arte + espazo público que organiza o Consello da Cultura. Durante a súa estanza, en data aínda por confirmar, Schuiten impartirá unha conferencia e participará nunha mesa redonda nas que achegará a súa visión coma autor de banda deseñada encol da relación entre os dous ámbitos das xornadas.