Compostela rehabilitará os camiños Francés e de Fisterra

Os camiños Francés e de Fisterra ao seu paso polo Concello de Santiago recibirán un investimento de preto dun millón de euros para a súa rehabilitación e sinalización. A corporación municipal aprobou dedicarlle 277.000 euros a sinalizar o Camiño Francés e mais os seus elementos patrimonais e mais a acondicionar o trazado, mentres outros 360.000 integrarán paisaxísticamente a ruta nas proximidades da estrada N-634. Pola súa banda, no Camiño de Fisterra prevese recuperar a ponte do Sarela e mais parte da calzada medieval, para o que se destinarán 362.000 euros.