O portal Galiciaaberta.com achega desde onte á rede unha mostra do patrimonio que se conserva en diferentes centros galegos de todo o mundo. Libros de actas en formato pdf, carteis, cadros, esculturas ou documentos autógrafos reúnense nun web ata completar 80.000 imaxes de libros e 1.500 de obras artísticas. A compilación é posible logo dun traballo de catalogación de catro meses que se abordou de man da Secretaría Xeral de Emigración.
