Dioniso Pereira é un historiador que fixo un traballo de investigación sobre a represión no franquismo. O seu estudo foi denunciado hai dous anos pola familia dun ex-alcalde falanxista de Cerdedo ao considerar que atentaba contra a súa honra. Despois de que o Xulgado da Estrada xa o absolvera en primeira instancia, a familia recorreu perante a Audiencia Provincial. Esta entidade acaba de desestimar o recurso alegando, segundo publica hoxe Vieiros, que o dereito de investigación prevalece sobre o da honra. A familia denunciante, que terá que pagar as costas do xuízo, só pode apelar ao Tribunal Constitucional.
