Case cinco anos despois da inauguración da Cholocataría, aquel espazo de arte que durou quince meses para recuperar un espazo abandonado no centro de Santiago, o proxecto continúa. Chámase Factoria e trátase dunha estrutura que conta con dous espazos. Un en Compostela, que se inaugurará no mes de outubro, e outro na Habana. Precisamente este último poñerase en marcha o vindeiro 7 de abril aproveitando que ten lugar a X Bienal desta cidadde. En todo caso, non será ata a apertura do centro de Santiago cando a programación estable do proxecto bote a andar. Os espazos, malia que traballarán con autonomía, pretenden reforzar os lazos culturais entre España e Latinoamérica a través da produción artística.
