O Museo da Ciencia albergará a cabina dun Boeing 747

O edificio Prisma de Cristal da Coruña, albergará a parte dianteira dun avión Boeing 747 dentro das instalacións do Museo Nacional da Ciencia. A entidade anunciaba onte que adquiriu esta peza, de doce metros de alto por catorce de ancho, para amosar a cabina e o interior do vehículo. O director do centro, Ramón Núñez, sinalou que este fragmento "será unha das pezas estrela" do museo, con contidos multimedia no seu interior. De xeito curioso, a cabina facía parte do avión que levou o Guernica desde Nova York a Madrid.