O cartel da 27 edición do Saló del Còmic de Barcelona, que se celebra entre o 29 de maio e o 1 de xuño, é da autoría de mans galegas. O ourensán David Rubín encargouse de pórlle unha imaxe a esta edición, e optou por unha proposta na que aparecen representados xéneros coma a ciencia ficción, o manga, o cartoon ou o terror, así coma os superheroes vistos en zapatillas. A encarga do cartel a Rubín coincide coa presenza de Galicia como comunidade convidada ao evento, para a que se prevén exposicións, un posto promocional e un de venda.
