Galicia será a comunidade convidada no vindeiro Saló del Còmic de Barcelona

Xa é unha realidade. Galicia acudirá á vindeira edición do Saló del Còmic de Barcelona en calidade de comunidade convidada. O Director Xeral de Creación e Difusión Cultural, Luís Bará, anunciaba esta tarde o compromiso, ao tempo que salientaba o éxito da delegación galega no evento e incidia no bo momento da novena arte galega. A presenza do país como convidado suporá unha maior presenza tanto en espazo como en programación de cara ao vindeiro ano.