A produtora Perro Verde adaptará a BD Arrugas de Paco Roca

A historia do álbum de BD Arrugas, de Paco Roca, terá unha versión animada en cine de man da produtora galega Perro Verde Films. A adaptación cinematográfica da obra contará coa dirección de Ignacio Ferreras e guión do propio Roca e mais Ángel de la Cruz. A produtora adiantou que conta co actor José Sacristán para pórlle voz ao autor protagonista e con Piti Sanz e Iván Aledo a cargo da banda sonora. Arrugas foi a obra que lle outorgou a Paco Roca o Premio Nacional de Cómic 2008, outorgado polo Ministerio de Cultura, e leva xa máis de 17.000 exemplares vendidos. A obra, ambientada nunha residencia da terceira idade, está centrada na problemática do Alzheimer.