O álbum ilustrado Cerca galardoado en Italia co Premio delle Palme de Literatura infatil

O álbum Cerca, de Natalia Colombo e editado por KALANDRAKA, vén de ser galardoado co ‘II Premio delle Palme’ de Literatura Infantil. A editorial galega recollerá esta distinción o vindeiro 4 de abril na Biblioteca Juan XXIII da cidade de San Vito dei Normanni, situada na rexión de Apulia. O galardón, está organizado polo departamento de Ciencias Sociais e da Comunicación da Universidade de Salento e a área de Educación da Provincia de Brindisi e o municipio apuliés. Cerca será a obra destacada que KALANDRAKA vai presentar na Feira Internacional do Libro Infantil e Xuvenil de Boloña, do 23 ao 26 deste mes. O selo galego vai organizar dous actos para presentar o seu “proxecto plurilingüe” a editores, axentes, autores e ilustradores estranxeiros.