O Observatorio Galego da Sociedade da Información fixo públicos hoxe os datos sobre o emprego de software libre nas pequenas e nas medianas empresas e mais nos centros do ensino. Segundo estes informes, a presenza de aplicacións deste tipo triplicouse nos dous ámbitos, chegando ao 33,6% das pequenas empresas e ao 67,6% dos centros de ensino. Neste ultimo ámbito, un 48,6% dos ordenadores dos centros conta con sistemas operativos libres.
