Comezou sendo unha longametraxe cinematográfica que non se puido realizar. Pero a forza da personaxe protagonista (Sara) fixo que Álex Sampayo recuperara un proxecto no que tanto el como os guionistas Victor Sierra e María S. Ferrerio dedicaran moitas horas de traballo. Por iso, non é de estrañar que A pensión sexa un drama que rezuma referencias cinematográficas que van desde Hitchcock a Tom Holland. Un proxecto co que Álex Sampayo se estrea no ámbito teatral da man de Redrum Teatro, a compañía creada ex profeso e estrea unha nova faceta na súa traxectoria.
