O Consello de Ministros do pasado venres decidiu outorgarlle a Isaac Díaz Pardo a Medalla ao Mérito nas Belas Artes, máxima distinción concedida polo Estado neste campo. Canda a el, outro galego, o guionista Juan Antonio Porto, con traballos coma La Regenta ou La conjura del Escorial fai parte dos distinguidos coa condecoración. A medalla recoñece o traballo no campo da creación artística e cultural ou no fomento, desenvolvemento e difusión da arte, da cultura e do patrimonio artístico.
