Emma Ríos entra en Marvel con Runaways

A carreira da debuxante Emma Ríos na Coruña avanza a paso firme. Mentres continúa a publicación da serie Hexed com Boom! Studios, dá o salto á celebérrima editora Marvel. Unha historia de once páxinas, na que se encarga dos lapis e mais da tinta, supón o estreo da galega na coñecida coma Casa das Ideas. Será o vindeiro mes de maio no número dez da serie Runaways, que fai parte do universo mutante desta editorial. No blog da autora poden verse unhas imaxes deste traballo.