Xa dispoñible na rede o primeiro volume de Hexed

Desde onte, os estadounidenses poden mercar o primeiro volume de Hexed, a serie que está a realizar Emma Ríos para a editora Boom! Studios. O responsable da firma, Mark Waid, puxo tamén en YouTube un video promocional da serie, e deixou para a libre descarga un pdf dese primeiro volume. Pola súa banda, Emma Ríos adianta no seu blog a capa do cuarto número, no que traballa actualmente.