Galaxia xa está no Books

A capa, o índice e ata un 20% das páxinas de todas as obras publicadas por Galaxia están xa dispoñibles en Google Books. A editorial presentaba onte en Compostela este proxecto, que permite previsualizar algunhas das obras máis importantes das nosas letras na rede e realizar buscas textuais nas mesmas. Xa no mes de xaneiro, os fondos recibiron arredor de vinte e tres mil visitas, segundo explicaron os responsables do proxecto. Aínda que Galaxia é a primeira editora galega que aposta por este formato, o Consello da Cultura Galega xa achega desde 2002 todas as súas publicacións íntegras no Google Books.