O que está considerado o último jazzman de prestixio chega esta noite a Galicia. E faino desenfundando a súa guitarra no Café Latino de Ourense. E mañá deixará a cidade das Burgas para facer o propio dentro do espectáculo Navijazz no Teatro Rosalía de Castro en A Coruña.
Concertos
O café Latino de Ourense, asiduo dentro dos circuitos de programación de jazz en Galicia, acolle esta noite o primeiro concerto que Rusell Malone ofrecerá en Galicia. Logo este virtuoso da guitarra desplazarase ata a Coruña onde o Teatro Rosalía está celebrando o Navijazz. Alí, o cuarteto de Malone non está só, antes André Sarbib Quartet preparará o público congregado. Nos dous concertos Rusell Malone estará acompañado polo pianista Antony Woddsney, o baixista Richards Goods e o bateria E.J. Striland.
Rusell Malone
Rusell Malone (Albany-Georgia) é a última referencia internacional do jazz. Considerado sucesor de Benson pola súa fusión de pop e jazz, colaborou durante anos con Harry Connick jr. Tras tocar ó lado de artistas como Roy Hargrove, Etta Jones, Backy Pizarelli e Diana Krall despegou en solitario en 1992.
