Preséntase o programa do II Vía Cultura

O Auditorio de Galicia, en Compostela, acolle hoxe ao longo de todo o día o II Foro Vía Cultura da Acción Cultural. Este encontro de técnicos culturais serviulle a Luís Bará, director xeral de Creación e Difusión Cultural para presentar as liñas de formación que o seu departamento prepara para este sector. Acción cultural e recursos na rede, a colaboración coas asociacións, o traballo de cara á mocidade ou o campo local de acción son algúns dos ámbitos que se van abordar en diferentes seminarios durante os vindeiros meses.