BD dos setenta no CGAC

O Centro Galego de Arte Contemporánea acolle, no marco da súa exposición Portas de Luz. Unha achega á arte e á cultura en Galicia nos 70 varias mostras de BD feita nesta época. Mais concretamente, no edificio compostelán poden verse as doce serigrafías de 80x80 centímetros que compoñen O home que falaba vegliota, de Reimundo Patiño. Canda a isto podese ver a edición orixinal do Ratas de Xaquín Marín e mais Esquizoide. Publicación do Colectivo da Imaxe. Para rematar, tamén está exposto o cartel orixinal de Pepe Barro para a exposición Cómic galego que se fixo no Círculo Mercantil de Santiago en 1973.