Do 5 ao 15 de febreiro, os produtores do audiovisual teñen unha cita en BerlÃn. A capital alemá acolle a celebración do European Film Market, o apartado mercantil da Berlinale, a gran festa do cine europeo. Dez empresas do Clúster Audiovisual Galego: Xamalú Filmes, Voz Audiovisual, Adivina Producións, Ficción Producións, Formato Producións, Filmanova, Continental, Abano Producións e Perro Verde Films asistirán a partir de mañá a este encontro. Visionados, proxeccións de prensa, reunións informais entre produtores e debates son algunhas das actividades nas que participarán as empresas galegas.
