A Deputación da Coruña acaba de publicar o concurso para a última fase de musealización do Mosteiro de Caaveiro. O proxecto conta cun orzamento de 349.624 euros nos que se inclúe inmobiliario para instalacións e sistemas de vixilancia entre outros. A nivel de contidos, as empresas de concorran deberán encargarse tamén da sinaléctica completa do lugar, así como de propostas de mercadotecnica asociadas ao cenobio, coma gorras, paraugas ou camisolas. Ao tempo, prevese a realización de dous audiovisuais de carácter didáctico, un deles centrado na historia e evolución deste conxunto e outro dedicado aos valores naturais e paisaxísticos do contorno. Trípticos, audio de ambientación para a capela, vitrinas e outros elementos completan os contidos previstos para o mosteiro.
