O Museo Massó remodela o seu proxecto expositivo acorde co novo espazo

A anunciada ampliación do Museo Massó acaba de converterse nunha realidade. Ánxela Bugallo, conselleira de Cultura, Felipe Arias, o director xeral de Patrimonio Cultural, e Félix Juncal, alcalde de Bueu presentaron esta mañá o proxecto. A ampliación física do centro (a cargo do arquitecto César Portela) implica cambios no novo plan museolóxico. O museo contará cun auditorio (cun aforo próximo aos cen visitantes) e con 1.100 m2 para exposicións, distribuídos en seis salas para a colección permanente (embarcacións tradicionais, conservación do peixe, modelos de barcos, navegacións e, por último, o libro e o mar) e unha para mostras temporais. O custe total destas obras ascende a seis millóns de euros.