Agadic mantén a liña continuísta no apoio ao tecido empresarial nas primeiras axudas que convoca

Ampliar os programas das artes escénicas e musicais a outros sectores como o das artes visuais e do libro; incremento dun 18% no apoio ás industrias culturais; a posta en marcha do programa de compañías residentes, así como a incorporación de mecanismos correctores na baremación dos proxectos escénicos son as principais novidades da convocatoria de axudas de AGADIC. É a primeira convocatoria deste organismo que continúa na mesma liña de apoio ás industrias culturais iniciada polo IGAEM no 2006. En total, destinaranse 2.275.000 euros a través de seis modalidades de subvencións.