Un congreso recupera as manifestacións culturais producidas no exilio republicano

Cúmprense 70 anos do inicio do exilio republicano español de 1939. Unha data que un colectivo de persoas, entre os que se atopa Isaac Díaz Prado ou Xesús Alonso Montero, quixeron conmemorar coa organización dun congreso. O Pazo de Mariñán acollerá entre o 12 e o 14 de marzo unhas xornadas nas que se analizará o teatro, prensa, cinema e investigación producida no exilio. As xornadas compleméntanse cun ciclo de cine sobre esta temática no Centro Galego de Artes da Imaxe (CGAI).