A Coruña contará cun circuíto de música en directo

Trinta locais hostaleiros da cidade da Coruña agruparanse nun circuíto que pretenderá ofrecer música en directo. Unha iniciativa que pon en marcha a plataforma Cultural XpresionK, que naceu en Guipúscoa no 2003 co obxectivo de fomentar a artistas non profesionais. A plataforma tamén é a organizadora (coa colaboración da FNAC) do I certame de cantautores que se desenvolve estes días na cidade e no que participan 18 músicos. O premio é a gravación dun disco nun estudo profesional.