O museo Massó espera que a súa ampliación lle permita aumentar o número de visitantes

Inaugurouse en Bueu no 2002 e desde entón pasaron polo centro 120.000 persoas. No último ano o museo Massó recibiu preto de 20.000 visitantes, o que supón un descenso con respecto ás cifras do 2007. Sen embargo, desde o propio museo confían en poder aumentar os rexistros neste ano. O motivo é que confían en que teña lugar a rehabilitación e ampliación do edificio que lle permita reforzar a súa oferta.