A viguesa Sala Roxi (rúa Urzaiz) acolle a partir das dez da noite deste sábado a festa de presentación da cuarta entrega do fanzine Fuck Cómics. O evento, que conta coa actuación dos grupos The Undressed e All The Cream, ten un prezo de entrada de tres euros, e permite, en pagando un máis, levar un exemplar da última entrega da publicación. O colectivo editor anuncia xa o número cinco e promete novidades para vindeiras datas.
