O complexo de San Francisco, declarado Ben de Interese Cultural desde 1923, acaba de escribir un novo capítulo na longa traxectoria que leva a súa reforma. O xuíz titular do Xulgado Central do Contencioso-Administrativo, que tamén decretou a paralización dos traballos, acaba de autorizar a realización de obras de emerxencia no claustro do complexo. O risco de derrubo foi a razón que esgrimiu o xuíz para autorizar as reformas mentres non haxa unha sentencia xudicial no conflito que manteñen a primeira empresa adxudicataria e o Ministerio de Cultura.
