Está considerado un dos cemiterios máis espectaculares do país e conta co recoñecemento de ser Ben de Interese Cultural. O camposanto de San Francisco, en Ourense, verá agora melloras nas súas instalacións coa consolidación do seu muro de feche, actualmente en mal estado, e a rehabilitación do edificio de servizo, coa instalación de aseos. As remodelacións, aprobadas polo Concello, están orzamentadas en 386.320 euros e irán a cargo do Fondo Estatal de Investimentos.
