Xa estaba prevista desde hai tempo, pero finalmente a transferencia de competencias culturais desde o Goberno Central á Xunta farase efectiva a vindeira semana. El Correo Gallego recolle hoxe unha lista de equipamentos e competencias culturais que parasarán a mans autonómicas. Na mesma inclúense as bibliotecas nodais da Coruña, Lugo, Ourense, Pontevedra e Santiago. Tamén museos coma o das Peregrinacións, o do Castro de Viladonga, o de Belas Artes da Coruña, o Arqueolóxico Provincial de Ourense e o de Artes e Costumes Populares de Ribadavia mudarán de mans. As torres da Porqueira, a Pena e Sandiás, así coma o castelo de Monterrei, en Verín, completan o lote.
