Tal e como estaba anunciado, co Nadal chega ás librarías As serpes cegas, de Bartolomé Seguí e Felipe Hernández Cava. A obra, que recompila a serie publicada na revista BD Banda, é o primeiro álbum publicado pola asociación homónima, e xorde coma unha coedición coa editora francesa Dargaud. A edición de BD Banda sae con 1.500 exemplares en galego e 2.000 en castelán que se distribuirán por todo o Estado. A asociación anuncia para vindeiras datas presentacións públicas da obra.
