BD Banda coeditará con Dargaud As serpes cegas

As serpes cegas, a serie que Felipe Hernández Cava e Bartolomé Seguí publican na revista BD Banda verá a luz nos vindeiros meses na forma de álbum. Segundo anunciou onte o presidente deste BD Banda, Kiko da Silva, o colectivo chegou a un acordo coa coñecida editora francesa Dargaud, que vai publicar a obra en Francia para coeditar o álbum en galego e en castelán. O título é unha historia de intriga ambientada nos anos trinta, con abondosas referencias ás loitas sociais da época. A Asociación Cultural BD Banda inicia así unha nova xeira editorial coa publicación de obras monográficas en solitario, alén da colaboración que mantén con Faktoría K.