Propoñen rutas gastronómicas para diversificar o turismo compostelán

O historiador Xavier Castro, gran coñecedor da historia da alimentación de Galicia, presentaba esta mañá o informe que realizou para a Dirección Xeral de Turismo. Neste texto, Castro apostar por unir o turismo gastronómico e cultural para diversificar a oferta de Compostela neste campo e desconxestionar as zonas próximas á Catedral. Entre outras iniciativas, o informe propón a creación de rutas temáticas centradas nas gastronomía castrexa, na cociña enxebre, a xacobea, a das peregrinacións, a medieval ou a indiana, vencellando as propostas das mesmas a centros culturais coma o Museo do Pobo, o CGAC ou o Museo da Catedral. A posta en marcha destas iniciativas dependerá agora do interese do sector hostaleiro polas mesmas.