O conxunto de petróglifos de Mogor, en Marín, contará cun centro de interpretación que se agarda estea rematado ao longo de 2009. O pleno municipal aprobará esta tarde a cesión de terreos para esta iniciativa, que estará financiada pola Consellaría de Cultura con 212.000 euros. A concelleira de Cultura, Esther Crespo, anunciou que o concello pretende abrir o centro nos períodos de maior presenza de visitantes, e adiantou que con esta obra poderá integrarse o conxunto monumental na Rede Europea de Petróglifos e mellorar así a súa promoción.
