A súa misión será realizar informes, estudos e transmitirllos á Xunta en todo o que teña que ver co Ensino Artístico Superior en Galicia. Ou o que é o mesmo, planificar e coordinar os estudos de música, danza, arte dramática, conservación e restauración de bens culturais, que afectan a 11.814 alumnos do país. A súa creación, que figura dentro da Lei Orgánica de Educación (LOE), acaba de ser aprobada hoxe no Consello da Xunta por decreto. Neste documento figura a composición e funcionamento deste organismo que ten carácter consultivo.
