Cantos na maré chega á súa sexta edición

Cantos na maré, o Festival Internacional da Lusofonía, chega o vindeiro mes de decembro á súa sexta edición en Pontevedra. O evento contará desta volta coa presenza de Sérgio Godinho, Waldemar Bastos, Sara Tavares, Paulinho Moska e Xabier Díaz. Ademais do concerto que se celebrará o vindeiro sábado 13 de decembro no Pazo da Cultura de Pontevedra, o evento inclúe a proxección de documentais entre os días 10 e 13 de decembro, encontros de creadores e un proxecto de creación dunha rede coma punto de encontro entre os espazos da lusofonía.