A Axencia Audiovisual Galega leva polas vilas de Galicia un ciclo con 135 curtas

Desde a adaptación animada dun conto de Saramago (A flor máis grande do mundo, 2006) ata a visita diaria dunha nai ao correo esperando ter novas do seu fillo emigrado (Mamasunción, o clásico de Chano Piñeiro de 1984) pasando por un documental a partir da obra de Sartre (A mirada, 1992) son algúns dos traballos que fan parte do ciclo “Curtametraxes. O pequeno é fermoso" que presenta a Axencia Audiovisual Galega. O proxecto escolma 135 traballos de todo tipo de temática dos últimos 25 anos agrupados en 20 categorías. O ciclo asistirá a 169 vilas galegas, as mesmas que fan parte da rede de exhibición "Cinema Dixitais" creados pola Axencia hai un ano.